.. देणा-याने देत जावे ;
घेणा-याने घेत जावे ;
घेता घेता एक दिवस
देणा-याचे हात घ्यावे!
.....................................
... आहे दु:ख तेच फार ;
माझ्या मना कर विचार ;
कर विचार ; हस रगड ;
माझ्या मना बन दगड!
......................................
... आत्माही तोच तो ;
हत्याही तीच ती!
कारण जीवनही तेच ते!
आणि मरणही तेच ते!
.....................................
.
.. जिकडे तिकडे मुकी धडे ;
इतिहासाला गेले तडे ;
त्यात नवीन काय घडे ?
तुझी माझी धाव आहे
दातापासून दाताकडे.
..........................
इतिहासाचे अवजड ओझे
डोक्यावर घेउन ना नाचा
करा पदस्थल त्यांचे आणिक
चढुनी त्यावर भविष्य वाचा.
